New Jersey Wic

Grèv Tete

Grèv Tete

Yon “grèv” tete se lè tibebe w la te byen tete pandan plizyè mwa epi bridsoukou li kòmanse refize tete a. Jeneralman, sa pa vle di ti bebe w la pa pare pou sevre.

Yon grèv tete ka vle di tibebe w la ap eseye fè w konnen yon bagay pa bon. Tout tibebe diferan epi yo pa pwal reyaji menm jan an. Gen kèk tibebe ki pwal kontinye tete san pwoblèm. Gen lòt tibebe ki ka jis vin difisil nan tete a. Epi gen lòt tibebe ki pwal refize tete a nèt.

Kèk rezon yon grèv tete gen ladann:

  • Gen doulè nan bouch akòz dantisyon, yon enfeksyon chanpinyon tankou migè, oswa yon bouton lafyèv.
  • Gen yon enfeksyon nan zòrèy, ki lakòz doulè pandan l ap souse oswa presyon pandan li kouche sou yon bò.
  • Santi doulè nan yon pozisyon bay tete, petèt akoz yon blese sou kò tibebe a oswa akoz doulè apre yon vaksinasyon.
  • Fache poutèt yon separasyon long ak manman k ap bay tete a oswa yon gwo chanjman nan woutin.
  • Distraksyon pandan w ap bay tete, tankou vin enterese nan lòt bagay k ap pase bò kote yo.
  • Gen yon grip oswa nen bouche ki fè li difisil pou respire pandan w ap bay tete.
  • Jwenn mwens lèt nan men manman k ap bay tete a apre w fin by bibon oswa twòp tetin.
  • Reyaji a reyaksyon fò manman an si tibebe a mòde l pandan l ap bay tete.
  • Reyaji a chanjman nan savon oswa lòt pwodui kosmetik ki ka gen yon sant ki pa familye.
  • Reyaji a chanjman nan gou lèt akoz yon maladi, medikaman, oswa rejim alimantè.

Si tibebe w la ap fè yon grèv tete, li nòmal pou w santi w fristre ak fache, sitou si tibebe w la pa kontan. Pran pasyans ak tibebe w la epi kontinye eseye ofri tete w yo.

Heart Light Purple

Sa ou ka fè:

plugged-ducts

Eseye tire lèt ou menm kantite tan tibebe a te konn pran tete pou evite angòjman ak kanal bouche.

milk-dropper

Eseye yon lòt metòd pou bay tibebe a lèt ou tanporèman, tankou sèvi ak yon tas, yon goutè, oswa yon kiyè.

diapers

Siveye kouchèt mouye ak sal tibebe a pou asire w ke li jwenn ase lèt.

offer-breast

Kontinye ofri tete w bay tibebe w la. Si tibebe w la fristre, sispann, epi eseye ankò pita. Ou kapab ofri tete w tou lè tibebe w la gen anpil somèy oswa ap dòmi.

diff-position

Eseye diferan pozisyon pou bay tete, ak po w kole ansanm ak po tibebe w la.

comfort

Konsantre sou tibebe w la epi rekonfòte l avèk plis touche epi karese.

quite-room

Bay tibebe w la tete nan yon chanm trankil ki pa gen anpil distraksyon.

diff-position

Si w ap enkyete w sou tibebe w la ki pa jwenn ase lèt, pale ak pwofesyonèl swen sante li. Yo ka pran pwa tibebe w la ankò.